07.11.2024 | 13:58
Կառավարությունը հավանություն տվեց «Միջազգային վեճերի խաղաղ կարգավորման մասին» կոնվենցիաներին
Ջո Բայդենը խոստացել է Ուկրաինայի հարցով որոշումներ չկայացնել՝առանց Կիևի իմացության
Քաղաքականություն
03.01.2022 | 16:48
ԱՄՆ-ի և Ուկրաինայի նախագահներ Ջո Բայդենն ու Վլադիմիր Զելենսկին հեռախոսազրույց են ունեցել, որի ընթացքում Սպիտակ տան ղեկավարը հայտարարել է Ուկրաինայի ինքնիշխանությանն ու տարածքային ամբողջականությանը աջակցելու մասին, հաղորդում է DW-ի ռուսական ծառայությունը։
Ջո Բայդենը նշել է, որ պատրաստ է դաշնակիցների հետ միասին վճռական արձագանքել Ուկրաինա Ռուսաստանի ներխուժման դեպքում։
Բացի այդ, երկու երկրների ղեկավարներն իրենց աջակցությունն են հայտնել հաջորդ շաբաթ մեկնարկելիք ԱՄՆ-ի և Ռուսաստանի Դաշնության միջև ռազմավարական կայունության շուրջ երկխոսությանը, ինչպես նաև ՆԱՏՕ-Ռուսաստան խորհրդի նիստին։
Ամերիկացի առաջնորդը խոսել է նաև Դոնբասում լարվածության թուլացման համար վստահության ամրապնդման միջոցառումների խթանման և ակտիվ դիվանագիտության մասին՝ առաջ մղելու Մինսկի համաձայնագրերի իրականացումը` ի աջակցություն «Նորմանդական ձևաչափի»: Միաժամանակ, Բայդենը Ուկրաինայի նախագահին խոստացել է, որ Վաշինգտոնը գործընկերների հետ կապված որոշումներ չի կայացնի՝ առանց նրանց իմացության։
Ավելի վաղ ԱՄՆ-ը և նրա արևմտյան գործընկերները, մեկնաբանելով անվտանգության երաշխիքների վերաբերյալ ՌԴ-ի առաջարկները, զգուշացրել էին, որ մտադիր չեն որոշումներ կայացնել՝ առանց խորհրդակցելու այն երկրների հետ, որոնց վրա այդ որոշումներն ազդելու են։
