25.09.2026 | 12:49
Փաշինյանը ցավակցական հեռագիր է հղել Ղազախստանի նախագահ Տոկաևին
Պոլիէթիլենային տոպրակների վաճառքն արգելվեց. ինչ այլընտրանք է առաջարկում պետությունը
Հասարակություն
02.01.2022 | 12:31
Հունվարի 1-ից խանութներում արգելվել է մինչև 50 միկրոն հաստության պոլիէթիլենային տոպրակների վաճառքը։ Պետությունը պոլիէթիլենային տոպրակներն առաջարկում է փոխարինել կենսաքայքայվող նյութից կամ կտորից պատրաստված բազմակի օգտագործման փաթեթներով։
Խանութները, սակայն, կշարունակեն օգտագործել 50 միկրոնից բարձր, կշռափաթեթավորման և երկրորդային հումքից արտադրված պլաստիկե տոպրակներ, որոնք ստացվում են վերամշակման արդյունքում։ Այս տոպրակները չեն արգելվելու՝ անկախ հաստությունից։ Այդ տոպրակները չեն արգելվելու, քանի որ այլընտրանքային տարբերակներ չկան: Այն տնտեսվարողները, որոնք կխախտեն օրենքը՝ գնորդին տրամադրելով մինչև 50 միկրոն հաստության պոլիէթիլենային տոպրակ, կտուգանվեն 30 հազար դրամի չափով։ Տեղական ինքնակառավարման մարմիններն են իրավասու հետևել՝ արդյո՞ք տնտեսվարողները ենթարկվում են օրենքի պահանջին։
Պոլիէթիլենային 1 տոպրակի քայքայման համար հարկավոր է շուրջ 500 տարի․ այդ ընթացքում այն հասցնում է ջրի և հողի մեջ արտանետել բազմաթիվ վնասակար նյութեր։ Հասկանալու համար, թե ինչ ահռելի վնաս են հասցնում այդ տոպրակները շրջակա միջավայրին, բավական է միայն նշել, որ աշխարհում ամեն տարի շուրջ 4 տրիլիոն պոլիէթիլենային տոպրակ է օգտագործվում։ Եվրոպական երկրներից շատերը դրանց կիրառումը սահմանափակել են։ Նման ճանապարհով են որոշել գնալ նաև Հայաստանում։
Արփի Հակոբյան
