16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքական լիրան չորրորդն օրն է՝ արժեզրկվում է, մինչդեռ ֆինանսների նախարարն ասում է՝ տատանումները մտահոգիչ չեն
Քաղաքականություն
30.12.2021 | 17:25
Թուրքական լիրան 4-րդ օրն անընդմեջ արժեզրկվում է այն բանից հետո, երբ գանձապետարանի ու ֆինանսների նախարար Նուրեդդին Նեբաթին հայտարարել է, որ արժույթի տատանումները մտահոգիչ չեն, գրում են թուրքական լրատվամիջոցները։ Երեկ երեկոյան CNN Turk-ին տված հարցազրույցում Նեբաթին ասել է, որ ազգային արժույթի փոխարժեքը կվերադառնա նորմալ մակարդակին։
Այսօր, սակայն, լիրայի փոխարժեքը նվազել է ևս 6 տոկոսով՝ հասնելով մեկ դոլարի դիմաց 13,45 լիրայի։ Ստամբուլում առավոտյան ժամը 10:14-ին արժույթը նվազել է 3,2 տոկոսով՝ հասնելով 13․04 լիրայի։
Վերջին օրերին լիրայի փոփոխականությունը կտրուկ աճել է՝ հասնելով ռեկորդային մակարդակի՝ մրցակցելով բիթքոյնի գների հանկարծակի փոփոխությունների հետ:
Նախորդ շաբաթ լիրան ռեկորդային անկում էր գրանցել՝ հասնելով մեկ դոլարի դիմաց 18․36 լիրայի ցուցանիշի, որից հետո նախագահ Էրդողանը հայտարարել էր արժույթը փոքր-ինչ կայունացնող նոր միջացոռումների մասին։
Նեբաթին իր հերթին ասել է, որ Կենտրոնական բանկը և պետական բանկերը չեն միջամտել՝ արժութային շուկաներին օգնելու համար։ Պաշտոնական տվյալները ցույց են տալիս, սակայն, որ Կենտրոնական բանկը միլիարդավոր դոլարներ է ծախսել լիրային աջակցելու համար։
Էմմա Չոբանյան
