01.11.2024 | 23:19
Հրդեհ Գյումրու տներից մեկում
Փոխոստիկանապետը` ոստիկանության ներքին զորքերում նոր ստորաբաժանում ստեղծելու մասին․ ՏԵՍԱՆՅՈՒԹ
Քաղաքականություն
30.12.2021 | 12:23
Պարեկային ծառայությունը կայացել է, աշխատակիցները բավական արդյունավետ են աշխատում։ Այս մասին դեկտեմբերի 30-ին կառավարության նիստից հետո ճեպազրույցում ասաց Հայաստանի փոխոստիկանապետ Արա Ֆիդանյանը։
«Միջադեպերի և քրեական գործերի առկայությունը վկայում է այն մասին, որ մենք բաց ենք, ոչինչ չենք թաքցնում, և բնական ենք համարում, որ նման բան տեղի է ունենում ծառայության ժամանակ։
Պետք է նաև հաշվի առնել, թե քանի հանցագործություն են նրանք բացահայտել։ Հասարակությունը գոհ է պարեկային ծառայության աշխատանքից»,-նշեց փոխոստիկանապետը։
Անդրադառնալով մի քանի ոստիկանների կողմից տղամարդուն ծեծի ենթարկելու դեպքին, նա պարզաբանեց, որ քրեական գործը վարում է այլ մարմին, ուստի ոստիկանությանը կամ Հատուկ քննչական ծառայությանը մեղադրելը տեղին չէ։
«Մենք չենք ծեծի ենթարկել։ Կոչ եմ անում դիմել նախաքննություն իրականացնող մարմնին»,-ասաց Ֆիդանյանը։
Փոխոստիկանապետն անդրադարձավ նաև ոստիկանության ներքին զորքերում նոր ստորաբաժանում ստեղծելու մասին տեղեկություններին՝ նշելով, որ որևէ տեղեկություն չունի, թե կարող է նոր գումարտակ ձևավորվել:
Մանրամասները՝ տեսանյութում:
