19.05.2026 | 11:48
Մասկն ընդդեմ Ալթմանի. դատարանը մերժել է OpenAI-ի դեմ աղմկահարույց հայցը
Մոսկվան պատրաստ է միջնորդ դառնալ Հայաստանի և Թուրքիայի միջև երկխոսության հարցում․ Ռուդենկո
Քաղաքականություն
29.12.2021 | 16:48
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ռուսաստանը պատրաստ է միջնորդ դառնալ Հայաստանի և Թուրքիայի հարաբերությունների կարգավորման շուրջ երկխոսության հարցում։ Այս մասին «ՌԻԱ Նովոստի»-ին տված հարցազրույցում հայտարարել է ՌԴ փոխարտգործնախարար Անդրեյ Ռուդենկոն։
«Հայ-թուրքական հարաբերությունների կարգավորումը, անկասկած, կնպաստի տարածաշրջանում ընդհանուր իրավիճակի բարելավմանը։ Այս տեսանկյունից մենք ողջունում ենք երկկողմ երկխոսություն սկսելու պատրաստակամությունը, որը վերջերս ակտիվորեն ցուցադրվեց Անկարայի և Երևանի կողմից։ Մենք գոհունակությամբ նշում ենք, որ նրանք հատուկ ներկայացուցիչներ են նշանակել՝ քննարկելու կարգավորման դժվարին հարցը»,- ասել է ՌԴ ԱԳՆ ղեկավարի տեղակալը։
Նրա խոսքով՝ Մոսկվան պատրաստ է միջնորդական օգնություն ցուցաբերել ցանկացած ձևով։
Ռուդենկոն ընդգծել է, որ ռուսական կողմը կարևոր է համարում հրաժարվել նախապայմաններ առաջադրելուց՝ փոխադարձ ընդունելի թեմաների և փոխադարձ քայլերի վրա կենտրոնանալով, որոնք կհանգեցնեն վստահության և բարիդրացիության մթնոլորտի աստիճանական ձևավորմանը։
Տաթև Ֆռանգյան
