07.11.2024 | 13:58
Կառավարությունը հավանություն տվեց «Միջազգային վեճերի խաղաղ կարգավորման մասին» կոնվենցիաներին
Թալիբները կրակ են բացել Քաբուլում բողոքի ցույց կազմակերպած կանանց ուղղությամբ
Քաղաքականություն
28.12.2021 | 15:10
«Թալիբան» շարժման զինյալները կրակ են բացել Քաբուլում բողոքի ցույց կազմակերպած կանանց ուղղությամբ։ Այս մասին գրում է «Lenta»-ն՝ հղում կատարելով «Asvaka» գործակալությանը։
Զոհերի և վիրավորների մասին տեղեկություններ դեռևս չկան։
Գործակալության աղբյուրների փոխանցմամբ՝ միջադեպը տեղի է ունեցել մայրաքաղաքի հիվանդանոցներից մեկի մոտ։ «Մենք քաղցած ժողովրդի ձայնն ենք», «Արդարություն», «Կեցցե՛ մարդկությունը» ցուցապաստառներով տասնյակ աղջիկներ դուրս են եկել բողոքի ակցիայի։
Թալիբները բազմիցս են կրակ բացել նոր կառավարության դեմ հանդես եկող խաղաղ ցուցարարների վրա։ Այսպես, օգոստոսին՝ Աֆղանստանում իշխանությունը գրավելուց անմիջապես հետո, զինյալները կրակել էին մեքենայի ուղղությամբ, որն ընթանում էր երկրի ազգային եռագույն դրոշի ներքո: Դրանից առաջ ու հետո կրակ էին բացել նաև «հանրապետական» դրոշներով մարդկանց, բողոքող կանանց ուղղությամբ։
Տաթև Ֆռանգյան
