19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ինչո՞ւ ՊՇՌ թեստերը կտրուկ էժանացան. ՄՊՀ նախագահը` շուկայի ուսումնասիրման մասին․ ՏԵՍԱՆՅՈՒԹ
28.12.2021 | 13:04
Մրցակցության պաշտպանության հանձնաժողովը տարվա ընթացքում վարույթներ է հարուցել,այդ թվում նաև կորոնավիրուսի դեմ ՊՇՌ թեստերի հարցով: Այս մասին ներկայացրեց ՄՊՀ նախագահ Գեղամ Գևորգյանն իր ասուլիսում՝ ներկայացնելով ընթացիկ վարույթները:
«ՊՇՌ թեստերի գործն ընթանում է երկու ուղղությամբ, մեկը՝ օդանավակայանում որպես առանձին ապրանքային շուկա հակամրցակային համաձայնություն, որը տնտեսավարող սուբյեկտի նկատմամբ է: «Զվարթնոց»-ի նկատմամբ գործ կա որպես իր գերիշխող դիրքի չարաշահման դրսևորում: Երրորդ գործն արդեն երկրի մակարդակով գերիշխող դիրքի չարաշահման հարցով է: Մի քանի ուղղությամբ ենք նայում, թե այն ՊՇՌ թեստերը, որոնք կատարվել և գրանցվել են «Արմեդ» համակարգում, արդյոք համահո՞ւնչ են ձեռքբերված նյութակազմի հետ»,- ասաց ՄՊՀ նախագահը՝ հավելելով, որ նախնական տվյալներով՝ թվերի անհամապատասխանություն կա:
Մրցակցության պաշտպանության հանձնաժողովը, սակայն, գները կարգավորելու գործառույթ չունի: «Չենք կարող ասել, թե ՊՇՌ թեստն ինչ պետք է արժենա, բայց գինը պետք է լինի տնտեսապես հիմնավոր»,- նշեց Գևորգյանը:
Մանրամասները՝ տեսանյութում:
