19.11.2024 | 22:38
Ադրբեջանի ԳՇ պետը Պակիստանում նոր զինատեսակների է ծանոթացել
Սանահինի կամրջի կամարներն ու պատերը մաքրվել են խոտածածկույթից
27.12.2021 | 18:14
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Լոռու մարզային ծառայության աշխատակիցները և Ալավերդի համայնքի արտակարգ իրավիճակների նախարարության մասնաճյուղի փրկարարները մաքրել են Սանահինի միաթռիչք կամրջի կամարները և պատերը խոտածածկույթից և հեռացրել ծառերի արմատները, որոնք վնասում էին հուշարձանին։ Այդ մասին ասված է ՀՀ ԿԳՄՍ նախարարության պահպանության ծառայություն ՊՈԱԿ-ի Ֆեյսբուքի էջում:
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ֊ը երախտագիտություն է հայտնում ԱԻ նախարարությանը` ցուցաբերած աջակցության համար։
Սանահինի կամուրջը միացնում է Դեբեդի երկու ափերը, այն կառուցվել է 1195-ին: Պատմական աղբյուրները վկայում են, որ կամուրջը կառուցել է հայոց Վանենի թագուհին՝ իր վաղամեռիկ ամուսնու հիշատակին»,- նշված է գրառման մեջ:
