25.11.2024 | 20:14
Թուրքիայում 2 ռուս օդաչուներ 5 տարվա ազատազրկման են դատապարտվել
Ադրբեջանում մեկնարկել են լայնածավալ զորավարժությունները
Քաղաքականություն
19.06.2017 | 11:24
Ադրբեջանի ԶՈՒ-ն լայնածավալ զորավարժություններ է անցկացնելու հունիսի 19-ից 24-ը, որին կմասնակցի 23 հազար զինծառայող. հայտնում է RIA Novosti-ն։
«Համաձայն նախագահ Իլհամ Ալիևի հաստատած պլանի՝ սկսած հունիսի 19-ից կանցկացվեն լայնածավալ օպերատիվ-մարտավարական զորավարժություններ՝ զորքերի մարտական պատրաստության, ուժերի և միջոցների կառավարման կազմակերպման, մարտականին մոտ պայմաններում նրանց փոխգործակցության ստուգման նպատակով»,- ասված է հայտարարությունում:
Ադրբեջանի ՊՆ-ն տեղեկացրել է նաև, որ. «Զորավարժություններում կներգրավվի 120 միավոր տանկ և զրահատեխնիկա, տարբեր տրամաչափի 180 հրթիռա-հրետանային կայանք, համազարկային կրակի ռեակտիվ համակարգեր և ականանետեր, տարբեր նշանակության մինչև 30 միավոր մարտական ավիացիա, ինչպես նաև ռադիոէլեկտրոնային հետախուզության նոր միջոցներ և անօդաչու թռչող սարքեր»։
