16.12.2025 | 17:07
Ադրբեջանի նախկին փոխվարչապետի նկատմամբ հետախուզում է հայտարարվել հեղաշրջման գործով
Վեթինգի մասին ոչ մի օր չենք մոռացել. Նիկոլ Փաշինյան․ ՏԵՍԱՆՅՈւԹ
Քաղաքականություն
24.12.2021 | 22:11
Հիմա մենք պրոբլեմ ունենք, երբ գործողություններ ենք անում, հետո դրանք գնում նույն դատական համակարգում վիճարկվում են և խոչընդոտներ են առաջանում: Այս մասին, այսօր՝ դեկտեմբերի 24-ին, մամուլի ասուլիսի ժամանակ նշել է ՀՀ վարչապետ Նիկոլ Փաշինյանը՝ անդրադառնալով հարցին, թե արդյոք իշխանությունը հրաժարվել է դատական համակարգում վեթինգի գաղափարից:
«Օրինակ գիտեք, որ ապօրինի հարստացման մասին օրենքն ընդունվել է 2017-ին, և մենք ասում ենք, որ կապ չունի, որ այդ ժամանակ է ընդունվել, մենք պետք է հնարավորություն ունենանք դրանից առաջ էլ հետ գնանք, տեսնենք՝ այդ գույքը ոնց է ձևավորվել: Մենք նաև ասել ենք, որ ՄԻԵԴ-ում դատավճիռների հետևից մենք հետ պետք է գանք և այդ վճիռները կայացրած դատավորների նկատմամբ գործողություն պետք է իրականացնենք:
Այստեղ խնդիրն այն է, որ մեր այս գործողությունները վիճարկվում են հենց գործող դատական համակարգում: Մյուս կողմից մենք չենք ուզում այնպիսի գործողություններ անենք, որմիջազգային հանրության մոտ տպավորություն ստեղծվի, թե մենք ուզում ենք դատական համակարգը դարձնենք նույնքան կառավարելի, որքան եղել է 2018-ի հեղափոխությունից առաջ»,-ասաց նա:
Նիկոլ Փաշինյանը հայտարարեց, որ ընդունում է քննադատությունը, որ այս ասպարեզում չեն կարողացել մեծ հաջողությունների հասնել. «Բայց ես չեմ ընդունի քննադատությունը վճռականության բացակայության մասին: Որովհետև այն դեպքում երբ մենք վճռականություն ենք ցուցաբերել, գիտեք հանրաքվե էինք նշանակել, բայց կովիդի համաճարակի պատճառով ստիպված եղանք չեղարկել: Նաև որոշակի վճռական գործողություններ ենք արել, բայց դրանք չենք կարող դուրս բերել օրինականության շրջանակից: Մենք ոչ մի օր դրա մասին չենք մոռացել, ամեն օր այդ ուղղությամբ աշխատում ենք»:
Մանրամասները՝ տեսանյութում:
