11.10.2026 | 11:22
Երևանի 4 վարչական շրջաններում և Արարատի մարզի գյուղերում մինչև 36 ժամ ջուր չի լինի
Կիևի դեմ ագրեսիան լայնածավալ հետևանքներ կունենա․ Բորել
Քաղաքականություն
24.12.2021 | 22:07
ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը Ուկրաինայի արտաքին գործերի նախարար Դմիտրի Կուլեբայի հետ հեռախոսազրույցի ընթացքում քննարկել է Արևելյան Եվրոպայում անվտանգային իրավիճակը՝ Ուկրաինայի շուրջ Ռուսաստանի ռազմական ներուժի կուտակման լույսի ներքո, գրում է DW-ի ռուսական ծառայությունը:
«Ռազմական հզորության կուտակումը նոր սպառնալիքներ և ներխուժման մտավախություններ է ստեղծել»,- հայտարարել են կողմերը։
Ժոզեպ Բորելը վերահաստատել է Եվրամիության հաստատակամ և անսասան աջակցությունը «Ուկրաինայի ինքնիշխանությանը, անկախությանը և տարածքային ամբողջականությանը»։ Եվրոպական դիվանագիտության ղեկավարն ընդգծել է, որ «Ուկրաինայի դեմ ցանկացած հետագա ռազմական ագրեսիա կունենա լայնածավալ հետևանքներ»։ ԵՄ բարձր ներկայացուցիչը նաև մատնանշել է Ռուսաստանի կողմից ապաէսկալացիայի անհրաժեշտությունը և մինսկյան պայմանավորվածությունների լիարժեք կատարումը։
Բորելը հիշեցրել է, որ ԵՄ-ն սերտորեն համակարգում է իր գործողություններն անդրատլանտյան և այլ գործընկերների հետ, որոնք կիսում են նմանատիպ արժեքները, այդ թվում՝ եվրոպական անվտանգության ճարտարապետության վրա ազդող երկու համաձայնագրերի նախագծերի վերաբերյալ, որոնք ներկայացված են Ռուսաստանի կողմից։
Տաթև Ֆռանգյան
