04.02.2026 | 23:29
ՇՄ նախարարը և Դևիդ Կուպերը քննարկել են «Կենսաբանական բազմազանության մասին» կոնվենցիայի ներքո ընթացող գործընթացներ
Ֆրանսիան COVID-19-ի դեպքերի նոր հակառեկորդ է գրանցել
Քաղաքականություն
22.12.2021 | 18:49
Ֆրանսիայում վերջին 24 ժամվա ընթացքում գրանցվել է COVID-19-ով վարակման ավելի քան 73 հազար նոր դեպք։ Սա նոր ռեկորդ է համաճարակի սկզբից ի վեր, գրում է korrespondent-ը՝ հղում կատարելով BFMTV-ին:
«Սուրբ Ծննդյան և Ամանորի միջև ընկած ժամանակահատվածում Ֆրանսիայում գերակշռող կլինի կորոնավիրուսի «օմիկրոն» շտամը»,- հայտնել է Ֆրանսիայի առողջապահության նախարար Օլիվյե Վերանը։
Նա հավելել է, որ երկրի իշխանությունները կանխատեսում են, որ հիվանդների թիվը կավելանա։
«Ամսվա վերջին մենք կգերազանցենք մեկ օրում 100 հազար դեպքը»,- ասել է նախարարը։
Վերանի խոսքով՝ «օմիկրոն»-ն արագ է տարածվում, այժմ այն կազմում է նոր դեպքերի շուրջ 20%-ը, իսկ Փարիում ու դրա արվարձաններում՝ շուրջ 35%-ը։
Հիշեցնենք, որ մինչ այդ Ֆրանսիայում վարակվածների ռեկորդային թիվը դեկտեմբերի սկզբին էր՝ 59․019 նոր COVID-19 դեպք։
Հայտնի է դարձել նաև, որ Ֆրանսիայում վեց երեխա ստացել է կորոնավիրուսի դեմ պատվաստանյութի կրկնակի չափաբաժին։
Տաթև Ֆռանգյան
