Քաղաքականություն
21.12.2021 | 14:50
Հոկտեմբերի 6-ից ի վեր առաջին անգամ Եվրոպայում գազի մատակարարումների ֆյուչերսային պայմանագրերի գները գերազանցել են 1850 դոլարը՝ հազար խորանարդ մետրի դիմաց։ Այս մասին են վկայում Լոնդոնի ICE բորսայի տվյալները, գրում է ՌԻԱ Նովոստին։
Հոլանդական TTF ինդեքսի հունվարյան ֆյուչերսների արժեքն առևտրային շրջանի բացման ժամանակ գերազանցել է 1800 դոլարը, որից հետո այն իջել է մինչև 1750 դոլարի, բայց հետո սկսել է աճել, և Մոսկվայի ժամանակով 11:37-ին հասել է 1869,5 դոլարի, որը ինը տոկոսով ավելի բարձր է, քան նախօրեին գնահատված գինը (ռեկորդային արժեքները $1716,7):
Գազի գնի կտրուկ թռիչքը տեղի է ունեցել անցած հինգշաբթի, երբ վառելիքի գինը 1450 դոլարից հասել էր 1700 դոլարի:
Վերլուծաբանները դա կապում են Գերմանիայի Դաշնային ցանցային գործակալության (BNA) ղեկավար Յոհեն Հոմանի հայտարարության հետ, որ «Հյուսիսային հոսք 2» գազատարի հավաստագրման մասին որոշումը, հավանաբար, չի ընդունվի մինչև 2022 թվականի կեսերը։
Տաթև Ֆռանգյան
