10.02.2026 | 23:52
Հայաստանի մի շարք հասցեներում էլեկտրաէներգիայի անջատումներ կլինեն
Լիտվան կոչ է արել ՆԱՏՕ-ին` ուժեղացնել իր ռազմական ներուժը ՌԴ-ի սահմանների մոտ
Քաղաքականություն
21.12.2021 | 14:10
Լիտվան Ուկրաինայի շուրջ հակամարտության ֆոնին ՆԱՏՕ-ին կոչ է արել զորքեր տեղակայել Ռուսաստանի հետ սահմանի մոտ։ Այս մասին հայտնում է DW-ի ռուսական ծառայությունը։
«ՆԱՏՕ-ն պետք է պատասխան տա՝ ոչ միայն իր զորքերը կենտրոնացնելով արևելյան ճակատում, այլև ուժեղացնելով իր ռազմական ներուժը։ Ռազմական ներուժի ուժեղացումը լավ է, բայց մենք պետք է ունենանք ալգորիթմ, թե ինչ պետք է անենք սցենար A-ի, սցենար B-ի, սցենար C-ի դեպքում»,- ասել է Լիտվայի նախագահ Գիտանաս Նաուսեդան Ուկրաինայի և Լեհաստանի նախագահներ Վլադիմիր Զելենսկիի և Անջեյ Դուդայի հետ համատեղ ասուլիսի ժամանակ։
Նաուսեդայի խոսքով՝ ՆԱՏՕ-ն պետք է գործողությունների ալգորիթմ ունենա ցանկացած սցենարի համար, որը կարող է սպառնալ Արևելյան Եվրոպայի անվտանգությանը։ Լիտվայի նախագահը նաև նշել է, որ Ռուսաստանի և Բելառուսի ռազմական ինտեգրումն արդեն երկար ժամանակ շարունակվող անվիճելի փաստ է։
«ՆԱՏՕ-ն առաջին հերթին պետք է արձագանքի դրան, քանի որ դա փոխում է անվտանգային իրավիճակը մերձբալթյան երկրների համար»,- ասել է նա։
Նաուսեդան պարզաբանել է, որ Ուկրաինայի և Բալթյան երկրների անվտանգությունը փոխկապակցված է։
«Որպեսզի մենք առանձին-առանձին չքննարկենք ուկրաինական, լեհական կամ լիտվական իրավիճակը, դա պետք է լինի տարածաշրջանային անվտանգության քննարկում: Եվ պետք է լայն արձագանք ունենա՝ տարածաշրջանային մակարդակով»,- ամփոփել է Լիտվայի նախագահը:
Տաթև Ֆռանգյան
