19.12.2025 | 18:21
Ադրբեջանական բենզինը Հայաստան հասավ // ՌԴ-ն և Ուկրաինան զոհվածների մարմիններ են փոխանակել․ ԼՈՒՐԵՐ
«GAZ-3110»-ը դուրս է եկել ճանապարհի երթևեկելի հատվածից և ընկել Աղստև գետը․ վարորդը մահացել է
20.12.2021 | 10:52
Դեկտեմբերի 20-ին, ժամը 07:35-ին Տավուշի մարզային ճգնաժամային կառավարման կենտրոն ահազանգ է ստացվել, որ Իջևան-Նոյեմբերյան ավտոճանապարհի 3-րդ կմ-ին տեղի է ունեցել ՃՏՊ. ավտոմեքենան ընկել է Աղստև գետը․ տեղեկացնում են ՀՀ ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «GAZ-3110» մակնիշի ավտոմեքենան (վարորդ՝ Ա․ Գ․) դուրս է եկել ճանապարհի երթևեկելի հատվածից և ընկել Աղստև գետը:
Փրկարարները սահմանազատել են տարածքը, գետից դուրս բերել ավտոմեքենան և հոսանքազրկել, այնուհետև ավտոմեքենայից դուրս են բերել վարորդի դին և մոտեցրել շտապօգնության ավտոմեքենային։
