Մշակույթ
16.12.2021 | 14:38
Արամ Խաչատրյանական փառատոնն այս տարի կրում է «Երեք ընկեր․ Խաչատրյան, Պրոկոֆև, Շոստակովիչ» խորագիրը։ Փառատոնային յուրաքանչյուր համերգ նվիրված է այս խոշորագույն կոմպոզիտորներից մեկի արվեստին։
Դեկտեմբերի 18-ին Հայաստանի պետական սիմֆոնիկ նվագախումբը կներկայացնի Արամ Խաչատրյանի ստեղծագործությունները։ Ծրագրում՝ Ջութակի կոնցերտ (մենակատար՝ Նիկիտա Բորիսո-գլեբսկի) և Սիմֆոնիա թիվ 2՝ «Զանգով սիմֆոնիա»։ Համերգը կղեկավարի դիրիժոր Սերգեյ Սմբատյանը։
Հիշեցնենք, որ Խաչատրյանի անվան փառատոնի կազմակերպիչն է Հայաստանի պետական սիմֆոնիկ նվագախումբը, փառատոնն իրականացվում է ՀՀ ԿԳՄՍ նախարարության աջակցությամբ։
