09.06.2026 | 15:50
Ընտրակաշառքի համար՝ բանտ մինչև հաջորդ ընտրություններ․ Փաշինյանի հանձնարարականը․ ՏԵՍԱՆՅՈՒԹ
Միջանցք տրամադրելը վտանգի տակ կդնի ոչ միայն Զանգեզուրը, այլև՝ ողջ ՀՀ-ն. Թաթուլ Հակոբյան․ ՏԵՍԱՆՅՈՒԹ
Քաղաքականություն
15.12.2021 | 11:01
Լաչինի և Զանգեզուրի միջանցքը չեն կարող նույն կարգավիճակը ունենալ։ Այս մասին «Բրյուսելյան բանակցություններ. ի՞նչ ակնկալել եվրոպական միջնորդությունից» թեմայով քննարկման նշեց լրագրող Թաթուլ Հակոբյանը։
«Չգիտես ինչու ՀՀ դիվանագիտությունը չի բարձրաձայնում, որ Նախիջևանը անկլավ չէ՝ այն ճանաչվել է Թուրքիայի և Իրանի կողմից։ Իսկ Արցախը որևէ երրորդ պետության հետ սահման չունի»,- նշեց Հակոբյանը:
Նրա դիտարկմամբ՝ Թուրքիան և Ադրբեջանը տեսնում են, որ Հայաստանն, ըստ էության, մենակ է մնացել, դաշնակից չունի, թույլ է և փորձում են Հայաստանին հերթական կապիտուլյացիոն փաստաթուղթը պարտադրել։
Թաթուլ Հակոբյանն ընդգծում է՝ այն տրամաբանությամբ, ինչպես թուրքերն ու ադրբեջանցիներն են հասկանում, միջանցքի մասին որևէ հոդված որևէ փաստաթղթում չկա։
Հակոբյանի համոզմամբ՝ միջանցքի թեման Հայաստանի համար պետք է կարմիր գիծ լինի, Հայաստանը պետք է համաձայնվի ճանապարհների և երկաթուղիների վերաբացման հետ, բայց որևէ կերպ չպետք է համաձայնվի միջանցքի գաղափարի հետ, պետք է ամեն ինչ անել, որ որևէ փաստաթղթում դա չամրագրվի:
Թաթուլ Հակոբյանը չի բացառում Թուրքիայի և Ադրբեջանի՝ ստատուս քվոն պահպանելու մտադրությունը։ Այն է՝ եթե Հայաստանը 25 տարի հաղթանակած էր շրջափակման մեջ, ապա շարունակի շրջափակված մնալ նաև պարտված վիճակում։
«Միջանցք տրամադրելը վտանգի տակ կդնի ոչ միայն Զանգեզուրը, այլև ողջ ՀՀ-ն»,- ընդգծեց Հակոբյանը:
Մանրամասները՝ տեսանյութում:
