19.04.2026 | 16:57
«Հանուն Հանրապետության» կուսակցությունը հաստատել է թեկնածուների առաջին երեսուն անունները
Լուկաշենկոն սպառնացել է փակել դեպի Եվրոպա գազի տարանցումը
Քաղաքականություն
13.12.2021 | 15:42
Բելառուսի նախագահ Ալեքսանդր Լուկաշենկոն հայտարարել է, որ երկիրը կարող է փակել դեպի Եվրոպա գազի տարանցումը, եթե Արևմուտքի պատժամիջոցները Մինսկին դնեն արտակարգ դրության մեջ և պատասխանելու այլ ելք չմնա։ Այս մասին գրում է ՌԻԱ Նովոստին։
«Եթե պատժամիջոցները, որ նրանք սահմանում են կամ կսահմանեն ապագայում, մեզ դնեն արտակարգ իրավիճակում և ելք չունենանք՝ այլ միջոցներով պատասխանելու այդ պատժամիջոցներին, մենք կօգտագործենք նաև այդ կոշտ միջոցը»,- ասել է Լուկաշենկոն՝ թուրքական պետական TRT-ին տված հարցազրույցում մեկնաբանելով գազի տարանցումը արգելափակելու հնարավորությունը։
Նշենք, որ ավելի վաղ ևս Լուկաշենկոն գազի տարանցումը դադարեցնելու սպառնալիք էր հնչեցրել։
Էմմա Չոբանյան
