23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Պատերազմից հետո ունենք անվտանգային և տնտեսական խորքային խնդիրներ. Արտակ Բեգլարյան․ ՏԵՍԱՆՅՈՒԹ
Քաղաքականություն
10.12.2021 | 15:26
Արցախի պետական նախարար Արտակ Բեգլարյանը երկրի զարգացման համար 5 հիմնական կետ է առանձնացրել` կայուն անվտանգություն, սոցիալ–տնտեսական կայուն զարգացում, ժողովրդագրական աճ, որակյալ կրթություն ու արդյունավետ կառավարում։ Նա այդ մասին հայտնեց այսօր Արցախի անկախության հանրաքվեի 30-ամյակին նվիրված ասուլիսի ժամանակ։
«Երկարաժամկետ անվտանգության առումով կարող եմ ասել` մենք պատկերացնում ենք, որ հակամարտությունը պետք է լուծվի խաղաղ միջոցներով, մեր իրավունքների անվերապահ ճանաչման, անկախության ճանաչման, ինչպես նաև մեր բռնազավթված տարածքների հիման վրա։ Սրանք այն կարմիր գծերն են, որոնք պետք է ուղենիշ լինեն ղարաբաղադրբեջանական հակամարտության կարգավորման մասին մտածելիս, խոսելիս ու ջանքեր գործադրելիս»,- նշեց Բեգլարյանը։
Նրա դիտարկմամբ՝ պատերազմից հետո առկա են անվտանգային և տնտեսական խորքային խնդիրներ:
Պետնախարարը շեշտեց, որ սոցիալ–տնտեսական հաջողություններ նույնպես արձանագրվել են, բնականոն կյանքը որոշ չափով վերականգնվել է, Արցախի ու Հայաստանի կառավարությունների, ինչպես նաև համահայկական տարբեր կազմակերպությունների կողմից իրականացվել են հումանիտար ծրագրեր։ Արդյունքում հնարավոր է դառնում քայլ առ քայլ լուծել առկա հիմնախնդիրները, այնուամենայնիվ, դեռևս մեծ աշխատանք կա իրականացնելու:
Մանրամասները՝ տեսանյութում:
