19.11.2024 | 22:26
ՌԴ-ում նախկին պատգամավորին «ֆեյքերի» գործով հեռակա կարգով դատապարտել են 8 տարվա ազատազրկման
Մոսկվան ակնկալում է, որ Երևանը և Բաքուն հնարավորինս շուտ կստեղծեն սահմանների դեմարկացիայի հանձնաժողով․ Զախարովա
Քաղաքականություն
09.12.2021 | 18:30
Ռուսական կողմը Սոչիի պայմանավորվածությունների կատարման շրջանակում ակնկալում է Հայաստանի և Ադրբեջանի պատվիրակությունների շուտափույթ ձևավորում, հետագայում սահմանների դեմարկացիայի և դելիմիտացիայի հարցերով զբաղվող հանձնաժողովի ստեղծում։ Այս մասին հինգշաբթի կայացած ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ Սոչիի համաձայնագրերն ամենաբարձր մակարդակով հաստատել են Հայաստանի և Ադրբեջանի իշխանությունների՝ իրավիճակը կարգավորելու համար հետագա քայլեր ձեռնարկելու պատրաստակամությունը։
«Մենք ակտիվորեն աշխատում ենք ձեռք բերված պայմանավորվածությունների հետևողական իրականացման ուղղությամբ, այդ թվում՝ սահմանային վեճերի կարգավորման և Հարավային Կովկասում տրանսպորտային կապերի ապաշրջափակման համար»,- հայտարարել է նա։
Եռակողմ աշխատանքային խմբի շրջանակում տարածաշրջանում բոլոր տնտեսական տրանսպորտային կապերն ապաշրջափակելու ջանքերը նույնպես շարունակվում են։
ՌԴ ԱԳՆ պաշտոնական ներկայացուցիչը հավելել է, որ դեկտեմբերի 8-ին Ռուսաստանի և Հայաստանի արտգործնախարարների հեռախոսազրույցում քննարկվել է նաև Սոչիի պայմանավորվածությունների կատարման հարցը։
Տաթև Ֆռանգյան
