19.12.2025 | 18:11
Երեք ռուս սահմանապահներ հատել են Էստոնիայի սահմանը և 20 րոպե մնացել երկրում
Ջալալ Հարությունյանն ու Օնիկ Գասպարյանը, անշուշտ, պիտի խոսեն. Լիլիթ Գալստյան․ ՏԵՍԱՆՅՈՒԹ
Քաղաքականություն
09.12.2021 | 17:53
«Ղարաբաղը ծախողները եկել, ասում են՝ Ղարաբաղը դուք եք հանձնել»,- ԱԺ-ում վարչապետ Նիկոլ Փաշինյանի կողմից այս թեզը առաջին անգամ չէ, որ հնչում է: «Հայաստան» խմբակցության պատգամավոր Լիլիթ Գալստյանը Factor.am-ի հետ զրույցում անդրադառնալով այս դիտարկմանը և խմբակցության որոշ պատգամավորների հասցեին հնչած՝ թշնամու գործակալ լինելու մեջ մեղադրանքներին, նշեց. «Փաշինյանը դիմում է իրեն բնորոշ ստի, խարդավանքի դեմագոգիայի զինանոցին և նախկիններին մեղադրելու բարդույթից դուրս չի գալիս… Դրանք մերկապարանոց մեղադրանքներ են: Նիկոլ Փաշինյանի հետ երեկվա ամբողջ հարցուպատասխանը ինքնամերկացում էր»:
Անդրադառնալով 44-օրյա պատերազմում կրած պարտությանը՝ Գալստյանը նշեց, որ պատերազմական գործողություններից փրկված պատումների համաձայն՝ ռազմաճակատի ողջ երկայնքով քաոս է տիրել: Պատգամավոր խոսքով՝ պարտության պատճառը եղել է նաև կադրային քաղաքականությունը. «Երբ Նիկոլ Փաշինյանը գլխատեց մեր բանակը, մենք ունեցանք քաոս ու ջախջախում»:
«Ջալալ Հարությունյանն ու Օնիկ Գասպարյանը, անշուշտ, պիտի խոսեն»,- ընդգծեց պատգամավորը՝ հավելելով՝ մեր հասարակությունը չի կարող բարոյալքվել այս անորոշության ու պատասխան չունեցող հարցերի շրջագծում:
Մանրամասները՝ տեսանյութում:
