19.11.2024 | 22:26
ՌԴ-ում նախկին պատգամավորին «ֆեյքերի» գործով հեռակա կարգով դատապարտել են 8 տարվա ազատազրկման
Թուրքիայի խորհրդարանում ծեծկռտուք է հրահրվել ընդդիմադիր ու իշխող պատգամավորների միջև. ԼՈՒՍԱՆԿԱՐՆԵՐ, ՏԵՍԱՆՅՈՒԹ
Քաղաքականություն
08.12.2021 | 20:23
Թուրքիայի խորհրդարանում հերթական ծեծկռտուքն է տեղի ունեցել, հաղորդում են թուրքական լրատվամիջոցները։
Մասնավորապես, Թուրքիայի ներքին գործերի նախարար Սուլեյման Սոյլուն վիրավորել է ընդդիմադիր պատգամավորին, ինչից հետո էլ սկսվել է ծեծկռտուքը։
Գլխավոր ընդդիմադիր Ժողովրդահանրապետական կուսակցության պատգամավոր Էրքան Այդընը խորհրդարանում Արդյունաբերության ու տեխնոլոգիաների, ինչպես նաև Ներքին գործերի նախարարությունների 2022 թվականի բյուջեի քննարկման ժամանակ ունեցած ելույթում հարցրել է Սոյլուին, թե ինչո՞ւ է նա օգտագործել փողերի լվացման մեջ մեղադրվող, երկրից փախած գործարար Սեզգին Քյորքմազի ինքնաթիռը։ Պատգամավորը նաև ցույց է տվել նախարարի նկարը ինքնաթիռում, ինչին Սոյլուն բուռն է արձագանքել։
«Դու ստո՛ւմ ես։ Դու ստախո՛ս ես»,- հայտարարել է Սոյլուն՝ ծեծկռտուք հրահրելով ընդդիմության ու իշխող «Արդարություն և զարգացում» կուսակցության պատգամավորների միջև։
Հիշեցնենք՝ վերջերս նույնպես Թուրքիայի խորհրդարանում ծեծկռտուք էր տեղի ունեցել, որի հիմնական դերակատարներից մեկը կրկին ներքին գործերի նախարար Սոյլուն էր։
Էմմա Չոբանյան
