17.12.2025 | 12:00
ԱԺ արտահերթ նիստը՝ ՈՒՂԻՂ
Ստամբուլում Սաուդյան Արաբիայի հյուպատոսարանում սպանված լրագրողի գործով Ֆրանսիայում ձերբակալվածն ազատ է արձակվել
Քաղաքականություն
08.12.2021 | 22:29
Սաուդյան Արաբիայի քաղաքացին, որը կալանավորվել էր Ֆրանսիայում սաուդցի լրագրող Ջամալ Խաշոգջիի սպանության հետաքննության շրջանակում, այս գործով Թուրքիայի կողմից հետախուզվող չէ, նա ազատ է արձակվել։ Այս մասին հայտնել է France Info ռադիոկայանը։
Երեքշաբթի RTL ռադիոկայանը հայտնել է, որ Շառլ դը Գոլի օդանավակայանի իրավապահները ձերբակալել են Խալեդ ալ-Օթայբիին Խաշոգջիի սպանության գործով հետաքննության շրջանակում՝ Թուրքիայի կողմից Ինտերպոլին ուղարկված խնդրանքի համաձայն։ Չորեքշաբթի Fiagro թերթը գրել էր, որ Ֆրանսիայում ձերբակալվածը, պարզվել է, կասկածյալի անվանակիցն է, և մինչև հինգշաբթի պետք է ազատ արձակվի։
Հիշեցնենք՝ Ջամալ Խաշոգջին սպանվել է 2018 թվականի հոկտեմբերին՝ Ստամբուլում Սաուդյան Արաբիայի հյուպատոսարանում։ Սկզբում Սաուդյան Արաբիայի իշխանությունները հերքում էին նրա անհետացումը դիվանագիտական առաքելությունում, սակայն տեսաձայնագրությունների հայտնվելուց որոշ ժամանակ անց ստիպված էին ընդունել, որ Խաշոգջին սպանվել է «հյուպատոսական պաշտոնյաների հետ վիճաբանության արդյունքում»։
Թուրք ոստիկաններին այդպես էլ չի հաջողվել գտնել նրա դին։
Տաթև Ֆռանգյան
