19.12.2025 | 20:28
Ֆինանսական գրագիտության թեմաները ներառված են մի շարք դպրոցական առարկաների ծրագրերում. ԿԳՄՍ նախարար
ԱԱԾ սահմանապահ զորքերի պայմանագրային ծառայողների աշխատավարձը 160-ից նախատեսվում է բարձրացնել մինչև 220 հազար դրամ
Քաղաքականություն
08.12.2021 | 09:52
Ազգային ժողովում տեղի ունեցած քննարկումից մեկ ամիս անց Ազգային անվտանգության ծառայության սահմանապահ զորքերի պայմանագրային ծառայողների աշխատավարձը դեռ չի բարձրացվել:
Հիշեցնենք՝ այս թեմային ԱԺ-ում անդրադարձ եղավ նոյեմբերի 1-ին՝ 2022 թվականի պետական բյուջեի նախագծի քննարկման ընթացքում:
Բյուջեի՝ ԱԱԾ-ին առնչվող հատվածը զեկուցելիս ԱԱԾ տնօրենի տեղակալ Արամ Հակոբյանը նշել էր, որ ԱԱԾ սահմանապահների աշխատավարձը բավականին ցածր է, ինչի պատճառով ծառայողներն ազատվում են աշխատանքից։ Հատուկ ծառայության բարձրաստիճան պաշտոնյան նշել էր, որ սահմանապահները ստանում են 160 000 դրամ աշխատավարձ:
Այս քննարկումից մեկ ամիս անց Factor.am-ը գրավոր հարցմամբ դիմել էր ԱԱԾ աշխատակազմ պարզելու համար՝ աշխատավարձերի բարձրացում իրականացվե՞լ է, թե՝ ոչ:
ԱԱԾ-ից նշել են, որ Արմեն Աբազյանի հանձնարարությամբ քննարկվում է սահմանապահ զորքերի պայմանագրային զինծառայողների աշխատավարձերի բարձրացման հարցը:
«Միաժամանակ տեղեկացնում ենք, որ նախատեսվում է ԱԱԾ սահմանապահ զորքերի պայմանագրային ծառայողների աշխատավարձը հասցնել մինչև 220 հազար դրամի»,-նշել են ԱԱԾ մամուլի կենտրոնից:
Նարեկ Կիրակոսյան
