29.06.2026 | 13:02
Կոմիտասում Ռ.Ս.-ի սպանության գործով նախաքննությունն ավարտվել է
Բաքվում մի խումբ հաշմանդամներ և գործազուրկներ բողոքի ակցիա են անցկացրել
Քաղաքականություն
03.12.2021 | 18:23
Բաքվում մի խումբ քաղաքացիներ այսօր կրկին բողոքի ակցիա են անկացրել, այս անգամ՝ Աշխատանքի ու բնակչության սոցիալական պաշտպանության նախարարության շենքի մոտ, փոխանցում է «Թուրան» գործակալությունը։
Նրանք բողոքել են հաշմանդամության թոշակներից զրկելու դեմ և պահանջել իրենց աշխատանքով ապահովել։
«Կա՛մ թող իմ հաշմանդամության թոշակը վերականգնեն, կա՛մ աշխատանքով ապահովեն։ Արդեն 11 ամիս է՝ ինձ զրկել են թոշակից։ Ինչպե՞ս պետք է ապրենք»,-ասել է բողոքի ակցիայի մասնակիցներից մեկը։
Մեկ այլ ցուցարար էլ նշել է, որ իր երեխան ի ծնե հաշմանդամ է, սակայն 18 տարեկան դառնալուն պես թոշակից զրկել են։
Բողոքի ակցիայի մասնակիցները քննադատել են Ադրբեջանի իշխանությունների քաղաքականությունը՝ հայտարարելով «կառավարման արդար համակարգի բացակայության, քաղաքացիների իրավունքների ոտնահարման ու կամայականությունների մասին»։
Նշվում է, որ թեև ցուցարարների ներկայացուցիչներին նախարարությունում ընդունել են, սակայն նրանք դժգոհ են եղել հանդիպման արդյունքներից, քանի որ խնդիրների լուծման երաշխիքներ չեն տրվել։
Էմմա Չոբանյան
