11.02.2026 | 14:13
Փաշազադեն Վատիկանում հանդիպել է Հռոմի Լևոն XIV պապին
Ուկրաինայի պաշտպանության նախարարը պատմել է «Բայրաքթար»-ների կիրառության մասին
Քաղաքականություն
03.12.2021 | 16:13
Թուրքական «Բայրաքթար» գրոհային անօդաչու թռչող սարքերի օգտագործումը թշնամու զինատեսակները ոչնչացնելու հարկադիր և մեկանգամյա կիրառված միջոց է եղել։ Այս մասին Գերագույն ռադայում կառավարության հետ հարցուպատասխանի ժամին հայտարարել է Ուկրաինայի պաշտպանության նախարար Ալեքսեյ Ռեզնիկովը, գրում է korrespondent-ը։
«Մենք չենք խախտում Մինսկի պայմանավորվածությունները, մենք չենք հարձակվում միացյալ ուժերի գործողության գոտում։ Եթե օկուպացիոն ուժերը խախտում են լռության ռեժիմը, սպանում են մեր զինվորականներին, մենք նախազգուշացնում ենք ԵԱՀԿ-ի միջոցով, որպեսզի նրանք դադարեն խախտել պայմանավորվածությունները, լռության ռեժիմը»,- ասել է նա։
Ռեզնիկովը հավելել է, որ եթե այդ մեխանիզմը չի գործում, ապա զինված ուժերը, հետևելով ՄԱԿ-ի կանոնադրության 51-րդ հոդվածով նախատեսված ինքնապաշտպանության իրավունքին, օգտագործում են բոլոր անհրաժեշտ ուժերն ու միջոցները։
Տաթև Ֆռանգյան
