19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Հունաստանում թոշակառուները կտուգանվեն պատվաստումներից հրաժարվելու համար
Քաղաքականություն
03.12.2021 | 22:42
Հունաստանում ամեն օր մոտ 100 տարեց մարդ է մահանում կորոնավիրուսային վարակի հետևանքներից։ Նրանցից շատերը երբևէ պատվաստված չեն եղել։ Սակայն ոչ ոք չէր սպասում, որ կառավարությունը պարտադիր կդարձնի պատվաստումները թոշակառուների համար, գրում է DW-ի ռուսական ծառայությունը։
Այս պահին Հունաստանի բնակչության 63 տոկոսը պատվաստված է կորոնավիրուսի դեմ։ 60-ից բարձր տարիքի 580 հազար մարդ դեռ չի ստացել պատվաստանյութը, նոյեմբերի 29-ին հայտարարել է վարչապետ Կիրիակոս Միցոտակիսը։
Նրա խոսքով՝ կորոնավիրուսից մահվան դեպքերի և թոքերի օդափոխության սարքերին միացված հիվանդների մեծ մասը բաժին է ընկնում այս տարիքային խմբին։ Կառավարության որոշման համաձայն՝ մինչև 2022 թվականի հունվարի 16-ը 60 տարեկանից բարձր բոլոր հույները պետք է ստանան պատվաստանյութի առաջին չափաբաժինը կամ գոնե գրանցվեն պատվաստման համար։ Հակառակ դեպքում, նրանց սպառնում է ամսական 100 եվրո տուգանք, որն ավտոմատ կերպով կգանձվի հարկային ծառայությունների կողմից։ Այս կերպ հավաքագրված գումարը կուղղվի պետական հիվանդանոցների ֆինանսավորմանը։
Տաթև Ֆռանգյան
