16.12.2025 | 20:36
Ստորագրվել է Հայաստանի և Լյուքսեմբուրգի միջև ռազմավարական գործընկերության մասին համատեղ հռչակագիրը
Թուրքիան ծախսում է գումար, որը չունի․ Reuters
Քաղաքականություն
02.12.2021 | 23:31
Թուրքիայի Կենտրոնական բանկը հայտարարել է, որ դոլար է վաճառելու՝ լիրային աջակցելու համար, գրում է Reuters գործակալությունը։
Լրատվամիջոցը նշում է, որ նոյեմբերի դրությամբ՝ բանկն ունի 25 մլրդ դոլարի պահուստներ՝ նախորդ տարվա 28 մլրդ-ի դիմաց։ Սակայն դա ներառում է նաև 48 մլրդ դոլարի սվոփ տեղական այլ բանկերից, որոնց պահուստները բացասական են։
Հրապարակման մեջ ասվում է, որ սա նախագահ Ռեջեփ Էրդողանի ծայրահեղ թույլ դրամավարկային քաղաքականությանն աջակցելու թերի հայտ է, որի պատճառով այս տարի լիրայի փոխարժեքը դոլարի համեմատ արժեզրկվել է ավելի քան 40%-ով:
Արժույթի պահպանումը կարող է դանդաղեցնել Թուրքիայի անցումը դեպի հիպերինֆլյացիա, սակայն երկրի դոլարի պաշարը սպառվում է: Բանկը վաճառել է մոտ 128 միլիարդ դոլար՝ 2019-2020 թվականներին լիրայի փոխարժեքը կայունացնելու համար, և դեռևս ստիպված է եղել բարձրացնել տոկոսադրույքները:
Ըստ հրապարակման՝ երբ պահուստները 2020թ․ օգոստոսին կազմել են 28 մլրդ դոլար, ընդամենը 5 ամիս է պահանջվել՝ դրանք 11 մլրդ դոլարի հասցնելու համար, ինչը 2003 թվականից ի վեր ամենացածր ցուցանիշն է։ Որքան քիչ են պահուստները, այնքան մեկ այլ արժեզրկման հավանակությունն ավելի մեծ կլինի, ամփոփում է գործակալությունը։
Էմմա Չոբանյան
