07.11.2024 | 16:45
ԵՄ 27 երկրների առաջնորդները կքննարկեն Վրաստանում հետընտրական իրավիճակը
ԱԶԿ-ի խոսնակը հայտարարել է, որ Էրդողանն իշխող դաշինքի նախագահի թեկնածուն է
Քաղաքականություն
01.12.2021 | 22:20
Թուրքիայի իշխող «Արդարություն և զարգացում» կուսակցության փոխնախագահ, կուսակցության խոսնակ Օմեր Չելիքը հայտարարել է, որ նախագահ Ռեջեփ Թայիփ Էրդողանը 2023 թվականին կայանալիք նախագահական ընտրություններում «Ժողովրդական դաշինքի» թեկնածուն է, գրում է «Ահվալ» գործակալությունը։
Չելիքը նման հայտարարություն է արել կուսակցության կենտրոնական գործադիր մարմնի նիստից հետո։
«Կասկած չկա, որ մեր նախագահը գալիք ընտրություններում իշխող «Ժողովրդական դաշինքի» նախագահի թեկնածուն է»,- ասել է Չելիքը։
Ավելի վաղ խորհրդարանի նախկին խոսնակ, ԱԶԿ-ի հիմնադիր Բյուլենթ Արընչը BBC-ի թուրքական ծառայությանն ասել էր, որ ԱԶԿ-ն դեռ չունի հաջորդ ընտրություններում նախագահի թեկնածու։
«Միայն «Ազգայնական շարժում» կուսակցության ղեկավար Դևլեթ Բահչելին է ասել, որ «մեր թեկնածուն Էրդողանն է», սակայն ԱԶԿ-ն կամ Էրդողանն ինքը պաշտոնապես թեկնածուի մասին չեն հայտարարել»,- ասել էր Արընչը։
Նշենք, որ Թուրքիայի ընդդիմադիր «Ազգային դաշինքը» բաղկացած է գլխավոր ընդդիմադիր Ժողովրդահանրապետական, աջ կենտրոնամետ «Լավ», Իսլամիստական ու Դեմոկրատական կուսակցություններից, որոնք դեռ իրենց նախագահի թեկնածուի մասին չեն հայտարարել։
Ընդդիմադիր դաշինքը երկար ժամանակ է՝ պնդում է, որ պետք է արտահերթ ընտրություններ անցկացվեն, քանի որ իշխող ուժն ի վիճակի չէ ղեկավարել երկիրը։
Էմմա Չոբանյան
