11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Ուկրաինան կրկին զգուշացրել է ռուսական զորքերի հնարավոր ներխուժման մասին
Քաղաքականություն
30.11.2021 | 19:20
Ռիգայում ՆԱՏՕ-ի անդամ պետությունների ԱԳ նախարարների հանդիպման նախօրեին Կիևը նախազգուշացրել է Ուկրաինա Ռուսաստանի հնարավոր ներխուժման մասին, գրում է DW-ի ռուսական ծառայությունը։
«Վատագույն սցենարի դեպքում Ռուսաստանը կարող է փորձել խաթարել անվտանգության ճարտարապետությունը, որը ստեղծվել է Եվրոպայում սառը պատերազմից հետո և ուժով փակել սահմանները, ինչպես դա արեց 2008 թվականին Վրաստանում և 2014 թվականին, երբ գրավեց Ղրիմը և պատերազմ սկսեց Դոնբասում»,- հայտարարել է Ուկրաինայի ԱԳ նախարար Դմիտրի Կուլեբան։
Նրա խոսքով՝ Ուկրաինայի հետ սահմանին տեղակայված են, ենթադրաբար, 115 հազար ռուս զինվորականներ։ Դրանից մի քանի օր առաջ Ուկրաինայում խոսում էին 92 հազար ռուս զինվորականի մասին։ DW-ն նշում է, որ այս տվյալներն անկախ փորձաքննության չեն ենթարկվել։
«Իրավիճակը շատ մռայլ է»,- Կիևում օնլայն ճեպազրույցի ժամանակ հայտարարել է նախարարը։
Նա նշել է, որ ռազմական տեխնիկայի մեծ մասը գտնվում է Ուկրաինայի հետ սահմանին գարնանից, այդ թվում՝ տանկերը, հրետանին ու ինքնաթիռները։ Ուկրաինայի իշխանությունների տվյալների համաձայն՝ Դոնբասի ու Ղրիմի տարածքներում տեղակայված է «բազմաթիվ ռազմական տեխնիկա, որոնք նախատեսված չեն պաշտպանության համար»։
«Օրինակ՝ մենք տեսնում ենք հրթիռային համակարգեր ու ռադիոկապի արգելափակման համար սարքավորումներ»,- հայտնել է Կուլեբան։
Տաթև Ֆռանգյան
