14.09.2026 | 14:56
Սուրենյանցի «Լքյալը» ստեղծումից 130 տարի անց առաջին անգամ կցուցադրվի Հայաստանում
Թբիլիսիի քաղաքային դատարանի մոտ բողոքի ցույցերի ժամանակ 15 մարդ է ձերբակալվել
Քաղաքականություն
29.11.2021 | 19:26
Թբիլիսիի քաղաքային դատարանի մոտ, որտեղ ընթանում էին Վրաստանի նախկին նախագահ Միխեիլ Սաակաշվիլիի գործով լսումները, բողոքի ցույցի ժամանակ ձերբակալվել է 15 մարդ, գրում է Սպուտնիկի վրացական ծառայությունը՝ հղում կատարելով Վրաստանի ՆԳՆ-ին։
Ըստ գերատեսչության հայտարարության՝ բողոքի ակցիան, որը տեղի է ունեցել Ուկրաինայի քաղաքացի, Վրաստանի նախկին նախագահ Միխեիլ Սաակաշվիլիի դատական գործընթացին զուգահեռ, դուրս է եկել խաղաղ ցույցերի թույլատրելի նորմերից։ Արդյունքում 15 անձ բերման է ենթարկվել ոստիկանության աշխատակիցների կողմից։
Ներքին գործերի նախարարության ստորաբաժանումները մոբիլիզացված են և պահպանում են հասարակական կարգը Թբիլիսիի քաղաքային դատարանի շենքի մոտ։
Տաթև Ֆռանգյան
