25.04.2026 | 09:21
Դավիթ Չալոյանն ապրիլի 24-ին հաղթել է թուրք բռնցքամարտիկի ու դուրս եկել կիսաեզրափակիչ․ ՏԵՍԱՆՅՈՒԹ
Ալիևը հայտարարել է, որ ՌԴ-ն «շատ կարևոր դերակատարում ունի Հայաստանի ու Ադրբեջանի հարաբերությունների կարգավորման գործում»
Քաղաքականություն
29.11.2021 | 14:23
Ադրբեջանի նախագահ Ւլհամ Ալիևը հայտարարել է, որ Ռուսաստանը շատ կարևոր դերակատարում ունի Երևանի ու Բաքվի հարաբերությունների կարգավորման գործում, գրում են ադրբեջանական լրատվամիջոցները։ Ալիևն այս մասին ասել է «Ռոսիա 1» հեռուստաալիքի «Կրեմլ, Պուտին, Մոսկվա» ծրագրի հետ զրույցում՝ նոյեմբերի 26-ին Սոչիում տեղի ունեցած եռակողմ հանդիպումից հետո։
«Ռուսաստանը շատ կարևոր դերակատարում ունի Հայաստանի ու Ադրբեջանի հարաբերությունների կարգավորման գործում։ Այդ մասին է վկայում հանդիպման արդյունքներով ընդունված հայտարարությունը՝ տրանսպորտային ցանցերի բացման, դելիմիտացիայի հանձնաժողովի աշխատանքի նախապատրաստման ուղղությամբ ձեռնարկվող քայլերի մասին։ Ադրբեջանը բամիցս բարձրացրել է այդ հարցերը, և Ռուսաստանը միշտ աջակցել է»,- ասել է Ալիևը։
Ուշագրավ է, որ հարցազրույցում, ինչպես և Հայաստանի, Ռուսաստանի ու Ադրբեջանի ղեկավարների՝ Սոչում կայացած եռակողմ հանդիպմանը, Իլհամ Ալիևը չի խոսել ադրբեջանական հայտնի թեզի՝ «Զանգեզուրի միջանցքի» մասին։
Էմմա Չոբանյան
