«Աերոպորտի գներով» տաքսիները «Զվարթնոց»-ից կվերանա՞ն․ նոր փոփոխություններ օրենքում․ ՏԵՍԱՆՅՈՒԹ

Լուրեր

19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
Բոլորը

Հարազատներին կարոտած, ճանապարհից հոգնած՝ օդանավակայանից տուն հասնելու րոպեներն ես հաշվում ու հանկարծ պարզում, որ «աերոպորտի գներ» հայտնի արտահայտությունը նաև քո գրպանն է մտնելու։ Նախ բարկանում ես, հետո՝ այլընտրանք փնտրում։ Իրավիճակը շատերին է ծանոթ։ Օդանավակայանում մեր նկարահանման պահին այդպիսի մի քանի դեպք արձանագրեցինք։

Շատերին հայտնի եղանակով, օդանավակայանից դուրս եկողին իրենց ծառայությունն են առաջարկում նախ մասնավոր տաքսիստները։ Գները, որպես կանոն, սկսվում են ամենաբարձրից, բայց սակարկելու հնարավորությամբ։

Օդանավակայանում արագորեն տաքսի գտնելու երկու տարբերակ կա՝ կա՛մ մասնավոր տաքսիները, կա՛մ օդանավակայանի հետ օրինական համագործակցող «Յանդեքս»-ը։

2011 թվականին «Զվարթնոց» օդանավակայանը տաքսիների մրցույթ հայտարարեց․ հաղթել էր երկու ընկերություն՝ «Տաքսի Տուր»-ը և «Աերո»-ն՝ իրավունք ստանալով ուղևորափոխադրումներ իրականացնել օդանավակայանի տարածքից։ Այսօր, սակայն, միայն մեկ ծառայություն է համագործակցում օդանավակայանի հետ։ Բայց, ինչպես ասում են, մասնավորներն էլ գործունեությունը չեն դադարեցրել։

Ի դեպ՝ նույն «Յանդեքս»-ն ու օնլայն մյուս տաքսիները, բացի օդանավակայանի բուն տարածքից, կայանում են նաև ոչ շատ հեռու։

Օդանավակայանից դուրս եկողին առաջինը դիմավորող մասնավոր տաքսի ծառայությունների հարցը լուծելու համար էր նաև, որ Տարածքային կառավարման և ենթակառուցվածքների նախարարությունը նոր նախագիծ բերեց Ազգային ժողով, որն առաջին ընթերցմամբ ընդունվեց։ Ըստ նախագծի՝ առաջարկվում է օդանավակայանի տաքսի կայանատեղից փոխադրումներ իրականացնելու համար սահմանել «Ա» տիպի լիցենզիայի պահանջ, որի պետական տուրքը նախատեսվում է սահմանել տարեկան 200 հազար դրամ: Կա հատուկ պահանջ նաև, որ մեքենան պետք է ոնենա գործարանային արտադրության վառելիքի համակարգ, վերասարքավորված չլինի։

Մինչ այս, օդանավակայանների տարածքում տաքսի ծառայությունների մատուցման գործընթացն առանձին կարգավորում չի ունեցել։ Տաքսիները լիցենզիա ստանում էին գործունեության համար, բայց մասնավոր տարածքներում, այդ թվում՝ օդանավակայանի տարածքում ուղևորափոխդրում իրականացնելու համար համաձայնությունը ձեռք էր բերվում հենց մասնավորի հետ։ Նոր օրենքը թույլ կտա այդ խնդիրն օդանավակայանի տարածքում լուծել՝ մրցակցությունը մեծացնելով։

Առանց համապատասխան լիցենզիա ունենալու ուղևորափոխադրում իրականացնելու դեպքում կսահմանվի տուգանք՝ 50․000 դրամ։ Թե որքանով նոր օրենքը կկարգավորի հարցը, դժվար է ասել, բայց տաքսու վարորդները թե՛ նախկինում, թե՛ այսօր դժգոհ են սահմանափակումներից։

Ֆեյսբուքյան մեր փոքրիկ հարցմանը մասնակցած օգտատերերի գերակշիռ մասը կողմ է արտահայտվել խստացմանը՝ հիշելով ու մեջբերելով սեփական վատ փորձն ու գրանցված միջադեպերը, կարևորելով Հայաստան եկած հյուրերի պատշաճ դիմավորումն ու սպասարկումը։ Օդանավակայանից էլ նշեցին, որ հատուկ վերահսկողություն չի իրականացվում, քանի որ հանրային տարածք է և մեքենաների մուտքն արգելել չեն կարող։

Մանրամասները՝ տեսանյութում։

Սաթենիկ Հայրապետյան