11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
ՀՀ-ի և Ադրբեջանի ՊՆ ղեկավարների միջև կապն արդեն ստեղծվել է. Փաշինյան․ ՏԵՍԱՆՅՈւԹ
Քաղաքականություն
23.11.2021 | 20:38
Հայաստանի և Ադրբեջանի պաշտպանության նախարարների միջև կապն արդեն ստեղծվել է։ Առցանց ռեժիմով լրատվամիջոցների հարցերին պատասխանելիս այս մասին ասաց վարչապետ Նիկոլ Փաշինյանը։
«Կարող եմ ասել, որ կապը ստեղծվել է արդեն, և դա գնահատում եմ։ Շատ կարևոր է, որ մենք ճիշտ բալանս ասենք, բայց նաև ինչքան էլ քննադատենք ագրեսիվությունը, որը պետք է ավելի շատ և ավելի հետևողականորեն քննադատենք, բայց մյուս կողմից՝ փաստը, որ տեղի է ունեցել, ասեմ՝ նախկինում երբեք պաշտպանության նախարարների միջև կոնտակտ ընդհանրապես չի եղել»,- հավելեց նա։
Փաշինյանի խոսքով՝ դա «մի տեսակ իմպրովիզով ստացվեց, երբ փորձում էինք հասկանալ՝ ինչ կարող ենք անել այս փոխադարձ մեղադրանքների հետ, թե ով խախտեց հրադադարը և այլն»։
«Ես գնահատում եմ նաև այդ որոշումը Ադրբեջանի նախագահի, հիմա ժամանակը ցույց կտա՝ դա ինչքանով արդյունավետ կլինի»,- նշեց նա։
Մանրամասները՝ տեսանյութում։
