22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Նուրսուլթան Նազարբաևը որոշել է հրաժարական տալ Ղազախստանի իշխող «Նուր Օթան» կուսակցության նախագահի պաշտոնից
Քաղաքականություն
23.11.2021 | 18:53
Ղազախստանի նախկին նախագահ Նուրսուլթան Նազարբաևը որոշել է հրաժարական տալ իշխող «Նուր Օթան» կուսակցության նախագահի պաշտոնից՝ այդ պարտականությունը հանձնելով նախագահ Կասիմ-Ժոմարտ Տոկաևին։ Այս մասին այսօր Twitter-ի իր միկրոբլոգում հայտնել է Նազարբաևի մամուլի քարտուղար Այդոս Ուկիբայը, գրում է DW-ի ռուսական ծառայությունը։
В ходе расширенного заседания Политического совета Нурсултан Назарбаев принял решение передать полномочия Председателя партии «Nur Otan», подчеркнув, что партию должен возглавлять Президент страны. Процедура передачи полномочий будет осуществляться в соответствии с Уставом партии
— Aidos Ukibay (@Aidos_Ukibay) November 23, 2021
Ըստ Ուկիբայի՝ Նազարբաևը կմնա «Նուր Օթան»-ի ղեկավար մինչև համագումարը, որը, ըստ կանոնադրության, իրավասու է որոշում կայացնել կուսակցության նախագահի ընտրության և պաշտոնանկության մասին։ Այդոս Ուկիբայը նաև ընդգծել է, որ Նազարբաևը կմնա որպես «Էլբասի»՝ ազգի առաջնորդ։
«Նուր Օթան»-ը (թարգմանաբար՝ «Հայրենիքի լույս») Ղազախստանի ամենամեծ կուսակցությունն է, որը հիմնադրվել է 1999 թվականին Նազարբաևի նախաձեռնությամբ՝ որպես «Օթան» կուսակցություն։ Այս ամբողջ ընթացքում նա եղել է կուսակցության ղեկավարը։
Նուրսուլթան Նազարբաևը, որն այս տարի դարձավ 81 տարեկան, Ղազախստանը ղեկավարել է մոտ 30 տարի։ 2019 թվականի մարտին Նազարբաևը, որը Սահմանադրությամբ ստացել է «Էլբասի» կարգավիճակ, հրաժարական է տվել պետության ղեկավարի պաշտոնից։ Միաժամանակ, նա պահպանել է Ղազախստանի ազդեցիկ պետական կառույցի՝ Անվտանգության խորհրդի նախագահի և «Նուր Օթան» կուսակցության ղեկավարի պաշտոնները։
Տաթև Ֆռանգյան
