11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
ԵԱՀԿ գործող նախագահն ու Ադրբեջանի ԱԳ նախարարը քննարկել են տարածաշրջանում վերջին զարգացումները
18.11.2021 | 15:09
ԵԱՀԿ գործող նախագահ, Շվեդիայի ԱԳ նախարար Անն Լինդեն հեռախոսազրույց է ունեցել Ադրբեջանի արտգործնախարար Ջեյհուն Բայրամովի հետ։ Այս մասին Լինդեն գրառում է արել թվիթերյան իր միմկրոբլոգում։
«Լավ զրույց ունեցա Ադրբեջանի ԱԳ նախարար Ջեյհուն Բայրամովի հետ՝ տարածաշրջանում վերջին զարգացումների հետ կապված։ Կոչ եմ արել շարունակել ապաէսկալացիան, վերահաստատել եմ իմ աջակցությունը գործընթացին՝ ԵԱՀԿ Մինսկի խմբի համանախագահների և իմ անձնական ներկայացուցչի միջոցով»,- գրել է ԵԱՀԿ գործող նախագահը։
Նշենք, որ նախօրեին Անն Լինդեն հեռախոսազրույց էր ունեցել ՀՀ ԱԳ նախարար Արարատ Միրզոյանի հետ։
Էմմա Չոբանյան
