25.04.2026 | 16:31
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
ԱՄՆ-ի և ՌԴ-ի ճնշմամբ՝ Թուրքիան չեղարկել է Սիրիայում քրդերի դեմ նոր ռազմական գործողություն սկսելու ծրագրերը
Քաղաքականություն
17.11.2021 | 23:11
Թուրքիան դադարեցրել է Սիրիայի հյուսիսում քուրդ զինյալների դեմ նոր հարձակման ծրագրերը՝ ԱՄՆ-ի և Ռուսաստանի ճնշումներից հետո։ Այս մասին գրում է «Ահվալ» գործակալությունը՝ վկայակոչելով Middle East Monitor-ը։
Թուրքիան 2016 թվականից Սիրիայում երեք գործողություն է իրականացրել։ Թուրքական ուժերն ու Անկարայի կողմից վերահսկվող սիրիական խմբավորումները վերահսկում են երկրի երեք տարբեր շրջաններ՝ հյուսիսարևմյան Աֆրինը, Իդլիբը և Ռաս ալ-Այնը։
Նախորդ ամիս էլ Թուրքիայի նախագահ Ռեջեփ Թայիփ Էրդողանը նոր ռազմական գործողության մասին էր խոսել այն բանից հետո, երբ Սիրիական քրդական ժողովրդական պաշտպանության միավորումը (YPG) սպանել էր երկու թուրք ոստիկանի։
Լրատվամիջոցը գրում է, որ YPG-ի հարձակումից հետո Թուրքիան, Ռուսաստանն ու ԱՄՆ-ը բանակցություններ էին վարում ՝ճնշելու Անկարային և ստիպելու՝ դադարեցնել ռազմական գործողությունների ծրագրերը։
Էմմա Չոբանյան
