17.12.2025 | 20:00
Եթե ընդդիմությունը ՌԴ-ի երգն է երգում, այո՛, թիրախավորվելու է իբրև հիբրիդային սպառնալիք․ Էդգար Խաչատրյան. ՏԵՍԱՆՅՈՒԹ
Սբերբանկը 800 մլն դոլարի վարկ կտրամադրի «Ռոսատոմ»-ին՝ Թուրքիայում «Աքքույու» ատոմակայանի կառուցման համար
Քաղաքականություն
17.11.2021 | 21:48
Ռուսական Սբերբանկը «Ռոսատոմ»-ի «Աքքույու նյուքլիար» ընկերությանը 800 մլն դոլար վարկ կտրամադրի՝ Թուրքիայում «Աքքույու» ատոմակայանի կառուցման համար։ Այս մասին ասվում է բանկի տարածած հաղորդագրության մեջ, գրում է ՏԱՍՍ-ը։
«Սբերբանկն «Աքքույու նյուքլիար»-ին վարկեր կտրամադրի՝ Թուրքիայում «Աքքույու» ատոմակայանի կառուցման համար։ Այդ նպատակով բանկը հաճախորդի համար բացել է երկու վարկային գիծ՝ 500 մլն դոլար և 300 մլն դոլար՝ 7 տարի ժամկետով: Միջոցներն ուղղվելու են կայանի չորս բլոկի կառուցմանը»,- ասվում է հաղորդագրությունում։
Ըստ բանկի խորհրդի փոխնախագահ Անատոլի Պոպովի՝ 2019 թվականին Սբերբանկը դարձել է Թուրքիայում ժամանակակից ատոմակայանի կառուցման՝ «Ռոսատոմ»-ի լայնածավալ միջազգային նախագծի առաջին վարկատուն՝ բացելով 400 միլիոն դոլարի վարկային գիծ, իսկ հերթական ֆինանսավորումը բանկին հնարավորություն կտա պահպանել առաջատարի դիրքը։
«Այսօր աշխատանքները տարբեր փուլերում արվում են բոլոր 4 էներգաբլոկներում։ Հոկտեմբերին չորրորդ էներգաբլոկի կառուցման լիցենզիա ստանալով՝ մենք ավարտել ենք ատոմակայանի կառուցման լիցենզավորման գործընթացը և մոտենում ենք շինարարական աշխատանքների գագաթնակետին։ Ռուսական բանկերն աջակցում են կայուն, ցածր ածխածնային էներգիայի արտադրության նախագծին և պատրաստակամությամբ արձագանքում մեր կարիքներին»,- ասել է «Աքքույու նյուքլիարի» տնօրենների խորհրդի փոխնախագահ, կայուն զարգացման և բաժնետերերի հետ կապերի գծով գործադիր տնօրեն Անտոն Դեդուսենկոն:
Էմմա Չոբանյան
