31.03.2026 | 22:28
Եվրոպական քաղաքական համայնքի 8-րդ գագաթնաժողովը՝ «Կերտելով ապագան․ միասնություն և կայունություն Եվրոպայում» կարգախոսի ներքո
Հայաստանը կարող է դիմել ՀԱՊԿ-ի օգնությանը, չնայած իրավիճակի կայունացմանը․ ՌԴ-ում ՀՀ դեսպան
Քաղաքականություն
17.11.2021 | 11:49
ՌԴ-ում Հայաստանի Հանրապետության դեսպան Վարդան Տողանյանը «ՌԻԱ Նովոստիին» ասել է, որ չնայած Ադրբեջանի հետ սահմանին իրավիճակի կայունացմանը՝ չի կարելի բացառել, որ Երևանը կարող է դիմել ՀԱՊԿ-ի օգնությանը։
«Դժվար է ասել, կախված է իրավիճակից։ Ունենք այն, ինչ ունենք, տեսնենք՝ ինչպես կզարգանան իրադարձությունները»,- ասել է նա՝ պատասխանելով հարցին՝ արդյո՞ք Հայաստանը մտադիր է դիմել ՀԱՊԿ օգնությանը, թե՞ իրավիճակի կայունացումից հետո դրա անհրաժեշտությունն այլևս չկա։
Միաժամանակ, նա դրական է պատասխանել հստակեցնող հարցին, որ իրադարձությունների ոչ մի զարգացում չի կարելի բացառել։
«Այո՛»,- ասել է դեսպանը՝ հավելելով․ «Իրավիճակն այսօրվա դրությամբ կայունացել է»։
Տաթև Ֆռանգյան
