18.12.2025 | 14:34
Իմ խնդիրն է՝ հայ ժողովրդին դուրս բերել նահատակացման տրամաբանությունից․ Փաշինյան. ՏԵՍԱՆՅՈՒԹ
Ռուսական «Lukoil»-ը ցանկանում է իր ներկայությունն ավելացնել Ադրբեջանի գազային նախագծերում
Տնտեսություն
15.11.2021 | 16:05
Ռուսական «Lukoil» ընկերությունը հետաքրքրված է Ադրբեջանում գազային ծրագրերում իր ներկայության ավելացմամբ։ «Ինտերֆաքսի» ադրբեջանական ծառայության հաղորդմամբ՝ այս մասին հայտարարել է ընկերության նախագահ Վագիտ Ալեքպերովը։
«Դեռ ընթանում են «Շահ Դենիզ»-ում մասնաբաժնի ավելացման բանակցությունները, քանի որ կա կոնսորցիում, որն ունի արտոնյալ իրավունք, դրա համար համաձայնեցում է ընթանում»,- ասել է Ալեքպերովը՝ նշելով, որ հիմա ընկերության համար հետաքրքիր են գազային նախագծերը, ցանկանում են նաև մեծացնել իրենց ներկայությունը Ղազախստանում։
Նշենք, որ ռուսական «Lukoil» ընկերությունը նախորդ ամիս հայտնել էր, որ Petronas ընկերության հետ պայմանագիր է կնքել՝ Կասպից ծովի ադրբեջանական հատվածում «Շահ Դենիզ» գազային նախագծի 15․5 տոկոս բաժնեմասը գնելու մասին։ Ադրբեջանական լրատվամիջոցների հաղորդմամբ՝ գործարքի արժեքը կազմում է 2․25 մլրդ դոլար։ Գործարքի ավարտից հետո «Lukoil»-ի բաժնեմասը «Շահ Դենիզ»-ում կավելանա՝ 10%-ից հասնելով 25.5 %-ի։
Հավելենք, որ մինչ այդ էլ՝ «Lukoil»-ը համաձայնագիր էր ստորագրել՝ բրիտանական BP-ից Կասպից ծովի ադրբեջանական հատվածում Ապշերոնի թերակղզու (SWAP) հետազոտական ծրագրի 25% բաժնեմասը ձեռք բերելու մասին: Գործարքի ավարտից հետո BP-ն մնալու է ծրագրի օպերատոր՝ 25% բաժնեմասով։
Էմմա Չոբանյան
