25.11.2024 | 18:32
ՆԱՏՕ-ի նորանշանակ գլխավոր քարտուղարն առաջին անգամ Թուրքիայում է․ նրան ընդունել է Էրդողանը
Պետք չէ գույները խտացնել, դա ծայրահեղացված մոտեցում է. Տիգրան Մուկուչյանը՝ Պյոտր Սվիտալսկուն
Քաղաքականություն
15.06.2017 | 14:51
Աշխարհում դժվար գտնվի մեկ այլ Ընտրական օրենսգիրք, որտեղ այսչափ թափանցիկ իրավանորմեր զուգորդված լինեն. ԵԽ-ի կազմակերպած «Ընտրական զարգացումները Հայաստանում» թեմայով կայացած քննարկման ընթացքում այս մասին ասել է ԿԸՀ նախագահ Տիգրան Մուկուչյանը:
ԿԸՀ նախագահը քննարկմանը ներկա ՀՀ-ում ԵՄ պատվիրակության ղեկավար Պյոտր Սվիտալսկուն հորդորել է ընտրական գործընթացներում չկենտրոնանալ միայն բացասական կողմերի վրա:
Հիշեցնենք, որ այսօր ՀՀ-ում ԵՄ պատվիրակության ղեկավարը նույն քննարկման ընթացքում ասել էր, որ իր խորհուրդն է հայերին՝ ԿԸՀ-ն դարձնել ավելի արժանահավատ և հանրային վստահությունը վայելող կառույց:
«Պարոն դեսպանը նշեց մի շարք խնդիրներ, ես կցանկանայի կարևորել մեկ հանգամանք՝ դա ազնվությունն է: Պետք չէ գույները խտացնել, շեշտադրումներ անել 1-1.5 տոկոս խափանումների վրա: Սա ծայրահեղացված մոտեցում է: Իհարկե, որևէ մեկը չի ասում, որ չպետք է քննադատել և մատնացույց անել թերությունները, սակայն այս ընտրություններով մենք արձանագրեցինք լրջագույն առաջընթաց»,- ասել է նա:
