15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Այսօրվանից ադրբեջանական կողմը Գորիս-Կապան հատվածում մաքսակետ կտեղադրի, հայկական կողմը ևս համապատասխան քայլեր կանի․ ԱԽ քարտուղար․ ՏԵՍԱՆՅՈՒԹ
Քաղաքականություն
10.11.2021 | 21:38
Ադրբեջանական կողմն այսօր հայկական կողմին տեղեկացրել է, որ այսօրվանից՝ գիշերը 12։00-ից Գորիս-Կապան ճանապարհի՝ ադրբեջանական վերահսկողության տակ անցած հատվածում մաքսակետեր կտեղադրի։ Հայկական կողմը ևս համապատասխան քայլեր կձեռնարկի։ Հանրային հեռուստատեսությանը տված հարցազրույցում այս մասին հայտնեց ՀՀ Անվտանգության խորհրդի քարտուղար Արմեն Գրիգորյանը։
Արդեն պատրաստ է Կապան-Տաթև այլընտրանքային ճանապարհը: Անվտանգ այդ ճանապարհով կարող են անցնել ինչպես մարդատար, այնպես էլ բեռնատար մեքենաները: Երևան-Կապան այլընտրանքային այդ ուղին Արմեն Գրիգորյանը վերջին 15 տարում լավագույն ճանապարհն է համարում:
«Կարևոր է նշել, որ այս պահին ճանապարհաշինական աշխատանքներ են կատարվում՝ նաև Շուռնուխ, Որոտան և Ճակատեն համայնքներ տանող ճանապարհները բարեկարգելու ուղղությամբ: Այդ առումով որևէ խնդիր չի լինելու, կառավարությունը բոլոր քայլերը ձեռնարկելու է, որ սոցիալական ու քաղաքական որևէ խնդիր չառաջանա: Այդ ճանապարհները մոտ ժամանակներս ասֆալտապատ կլինեն»,- նշեց Արմեն Գրիգորյանը:
