18.05.2024 | 14:05
Նավթի գներն աճել են
Տուժածների մոտ այրվածքներ չեն, բեկորային վնասվածքներ են. Արա Բաբլոյանը՝ Հյուսիսային պողոտայի պայթյունից տուժածների մասին. ՏԵՍԱՆՅՈՒԹ
Հասարակություն
02.04.2018 | 23:34
«Սուրբ Գրիգոր Լուսավորիչ» ԲԿ ժամանած Ազգային ժողովի նախագահ Արա Բաբլոյանը հիվանդասենյակից դուրս գալով տեղեկացրեց, որ վնասվածքները բեկորային են՝ պայթյունից առաջացած, թեթևից մինչև ծանր: Ամենածանր վիճակում գտնվող երեխայի՝ Ռուբինայի մոտ ազդրի շրջանում մկանները բոլորը վնասվել են ու մինչև ոսկոր են հասել, բայց բարեբախտաբար ոսկորը չի վնասվել:
Հարցին՝ այրվածքները ի՞նչ կարգի են, պատասխանեց. «Այրվածքներ չեն բեկորային վնասվածքներ են»:
Հիշեցնենք, որ ապրիլի 2-ին՝ ժամը 20:44-ին, ԱԻՆ ահազանգ է ստացվել, որ Երևան քաղաքի Հյուսիսային պողոտայի թիվ 5 հասցեում գտնվող «Բուրգեր Քինգ» արագ սննդի կետում տեղի է ունեցել պայթյուն, կան տուժածներ. անհրաժեշտ է փրկարարների օգնությունը:
Դեպքի վայր են մեկնել չորս մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը: Նախնական տվյալներով խոհանոցում պայթել է թթվածնի բալոն:
