16.12.2025 | 11:24
ՀԿԿ նախագահը մասնակցում է ՄԱԿ-ի Կոռուպցիայի դեմ կոնվենցիայի մասնակից պետությունների 11-րդ համաժողովին
Կրեմլը հայ ժողովրդին կառավարում է մի քանի միջոցներով. մեկը Փաշինյանն է, մյուսը՝ Քոչարյանը. Սեֆիլյան. ՏԵՍԱՆՅՈւԹ
09.11.2021 | 19:45
«Մեր հորդորներով Փաշինյանը չի հեռանա, միայն ժողովրդի միջոցով կարող ենք այդ պահանջը կյանքի կոչել»,- այս մասին Ազատության հրապարակում հանրահավաքի ժամանակ Factor.am-ի հետ զրույցում նշեց Ազգային ժողովրդավարական բևեռի խորհրդի անդամ Ժիրայր Սեֆիլյանը:
«Նա միայն ժողովրդի ուժը պետք է տեսնի, ժողովրդի կամքը տեսնի և այդ ժամանակ ուզի-չուզի պետք է հեռանա: Մենք զբաղված ենք մոբիլիզացիան կազմակերպելով: Այն, ինչ մենք անում ենք, անում ենք շատ վատ ժամանակներում, մեր ժողովուրդը հետպատերազմյան դեպրեսիվ վիճակում է: Շատերի կարծիքով՝ մենք անհնարին բան ենք անում, շատ դժվար է, բայց հնարավոր է: Համոզված ենք, որ քայլ առ քայլ գնալու ենք առաջ և այս անգամ լինելու է իսկական փոփոխություն, 2018-ի խաբկանքը չի լինելու, արմատական փոփոխություն է լինելու: Մեզ՝ հայերիս վերջապես հաջողելու է թոթափել մեզ կեղեքող համակարգը»,- նշեց Սեֆիլյանը:
Նրա խոսքով՝ Ռոբերտ Քոչարյանը չպետք է քաղաքականությամբ զբաղվի, նա խանգարում է մեր ժեղովրդին: «Քոչարյանը կատարում է Կրեմլի հրահանգը: Կրեմլը հայ ժողովրդին կառավարում է մի քանի միջոցներով. մեկը Փաշինյանն է, մյուսը՝ Քոչարյանը»,- ընդգծեց Սեֆիլյանը:
Մանրամասները՝ տեսանյութում:
