19.12.2025 | 10:36
Արտարժույթների փոխարժեքները՝ դեկտեմբերի 19-ի դրությամբ
Սերգեյ Լավրովն ու Սուրբ Աթոռի քարտուղարը քննարկել են ԼՂ-ում հրադադարի պահպանմանն ուղղված ջանքերը
Քաղաքականություն
09.11.2021 | 19:15
ՌԴ արտգործնախարար Սերգեյ Լավրովը Սուրբ Աթոռի Պետությունների հետ հարաբերությունների հարցերով քարտուղար Փոլ Ռիչարդ Գալագերի հետ բանակցությունների արդյունքներով հրավիրված համատեղ ասուլիսի ժամանակ հայտարարել է, որ մանրամասն քննարկվել է Լեռնային Ղարաբաղի հարցը։ Այս մասին ասված է ՌԴ ԱԳՆ տարածած հայտարարության մեջ։
«Քննարկել ենք իրավիճակը աշխարհի տարբեր տարածաշրջաններում, որտեղ նկատվում են ճգնաժամային գործընթացներ։ Հաստատեցինք, որ Ուկրաինայի արևելքում իրավիճակի կարգավորման Մինսկի «միջոցառումների փաթեթի» ամբողջական և հետևողական իրականացումն այլընտրանք չունի։ Մենք մանրամասն խոսել ենք այն ջանքերի մասին, որոնք Ռուսաստանի Դաշնությունը ձեռնարկում է՝ Լեռնային Ղարաբաղում հրադադարը պահպանելու և այն գործընթացներ կազմակերպելու համար, որոնք պետք է ամրապնդեն վստահությունը և պայմաններ ստեղծեն Հարավային Կովկասում լիարժեք տնտեսական և այլ համագործակցության համար»,- հայտարարել է Լավրովը։
Տաթև Ֆռանգյան
