24.11.2024 | 12:19
Ռումինիայում նախագահական ընտրություններ են
Եթե Սևանում ջրառն այնպես կատարվի, որ իջեցնի ջրի մակարդակը, ապա կունենանք անդառնալի հետևանքներ. Բարդուխ Գաբրիելյան
Հասարակություն
15.06.2017 | 13:38
Այն ձուկը, կենդանին, որը գոնե մի անգամ սերունդ չի տվել, չի բազմացել, նրան չի կարելի որսալ. այսօր լրագրողների հետ հանդիպմանն ասաց ՀՀ ձկնաբուծության և հիդրոէկոլոգիայի ինստիտուտի տնօրեն Բարդուխ Գաբրիելյանը՝ խոսելով Երևանում ամեն քայլափոխի հանդիպող սիգի մանրաձկան վաճառքից:
«Շատ կարևոր է պահպանել սիգը նրա բազմացման շրջանում, այսինքն՝ աշնանը, և հիմա, երբ նրանք առաջացնում են կուտակումներ»,- նկատեց բանախոսը՝ խոսելով «Սևանում ձկան և խեցգետնի պաշարներ, ինչ միտումներ են նկատվում» թեմայի շուրջ:
Բարդուխ Գաբրիելյանը հատուկ արծարծեց Սևանի ջրի մակարդակի իջեցման թեման. «Եթե Սևանում ջրառն այնպես կատարվի, որ իջեցնի ջրի մակարդակը, ապա կունենանք անդառնալի հետևանքներ: Սևանը բարձրանալով լվանում է ափամերձ գոտիները, դրանով իսկ ջրում ավելացնելով կենսածին տարրերը: Այսինքն՝ այն օրգանական նյութի տարրերը, որոնք բերում են ճահճացման»:
Առավել մանրամասն՝ տեսանյութում:
