07.11.2024 | 17:19
Էկոպարեկային ծառայության վերազինման համար նախատեսված է միջազգային գործընկների կողմից ներդրում․ ՏԵՍԱՆՅՈՒԹ
ԱՄՆ-ը նոյեմբերի 8-ից թույլատրում է կորոնավիրուսի դեմ ամբողջությամբ պատվաստված ուղևորների մուտքը երկիր
Քաղաքականություն
08.11.2021 | 11:38
Միացյալ Նահանգները նոյեմբերի 8-ից թույլատրում է կորոնավիրուսի դեմ ամբողջությամբ պատվաստված ուղևորների մուտքը երկիր, հայտնում է BBC-ի ռուսական ծառայությունը։
Մինչ այսօր ԱՄՆ մուտքն արգելված էր բոլոր նրանց համար, ովքեր գալիս էին ԵՄ երկրների մեծ մասից՝ Մեծ Բրիտանիայից, Չինաստանից, Բրազիլիայից, Հնդկաստանից, Հարավային Աֆրիկայից ու Իրանից։
Երկուշաբթի օրվանից այս սահմանափակումները կհանվեն բոլոր այն ժամանող ուղևորների համար, ովքեր պատվաստված են Միացյալ Նահանգների Պարենի և դեղերի սանիտարական վերահսկման վարչության կողմից հաստատված կամ Առողջապահության համաշխարհային կազմակերպության կողմից արտակարգ պատվաստանյութերի ցանկում ներառված պատվաստանյութերով: Դրանց թվում են ամերիկյան Pfizer, Moderna և Johnson & Johnson, բրիտանական AstraZeneca, ինչպես նաև չինական Sinovac և Sinopharm պատվաստանյութերը։
Բացի պատվաստման հավաստագրից, ԱՄՆ մեկնող ուղևորները (բացառությամբ երկու տարեկանից ցածր երեխաների) պետք է ներկայացնեն կորոնավիրուսի թեստավորման բացասական պատասխան, որը կունենա ոչ ավելի, քան 72 ժամվա վաղեմություն։
Տաթև Ֆռանգյան
