07.11.2024 | 20:07
Փաշինյանն ու Ռումեն Ռադևը քննարկել են Հայաստան-Բուլղարիա փոխգործակցությանը վերաբերող հարցեր
Թուրք լրագրողն ազատազրկման է դատապարտվել 300-ամյա պոեմով Էրդողանին վիրավորելու համար
Քաղաքականություն
04.11.2021 | 23:15
Թուրքիայում գրող ու լրագրող Քաան Գյոքթաշը դատապարտվել է երկու տարվա ազատազրկման՝ սոցցանցերում օսմանյան պոետ Սյունբյուլզադե Վեհբի էֆենդիի 300-ամյա պոեմը հրապարակելու համար, գրում է Duvar-ը։
Նա մեղավոր է ճանաչվել «նախագահին վիրավորելու համար»։ Երկու տարի առաջ Գյոքթաշը ֆեյսբուքյան իր էջում կիսվել էր լուրով, որ եթե նախագահ Ռեջեփ Թայիփ Էրդողանը հետ կվերցնի քաղաքացու դեմ բողոքը, նա պոեմն անգիր կանի։
Սրան ի պատասխան՝ Գյոքթաշը կիսվել էր 300-ամյա մի պոեմով ու գրել․ «Սա միակ պոեմն է, որ ես անգիր գիտեմ»։ Պոեմը սկսվում է այսպես. «Գրի՛ր ինձ պոեմ, որ առաջին տողը կարդալիս ցանկանամ քեզ սպանել, երկրորդ տողում՝ հատուցում տալ»։
Մի քաղաքացի բողոքել է նախագահի աշխատակազմի հաղորդակցության գրասենյակ, և Գյոքթաշի նկատմամբ հետաքննություն է սկսվել։ Նախագահին վիրավորելու մեղադրանքով նրա դեմ դատավարությունը սկսվել է մեկ տարի առաջ և ավարտվել անցյալ շաբաթ։ Սիլիվրիի առաջին ատյանի քրեական դատարանը, որը քննում էր գործը, Գյոքթաշին դատապարտել է երկու տարվա ազատազրկման։
Ի պաշտպանություն իրեն՝ Գյոքթաշն ասել է, որ բանաստեղծությունը կապ չունի Էրդողանի հետ և նույնիսկ նրան չէ նվիրված։ Նա ասել է, որ դա օսմանյան պոեմ է՝ գրված 300 տարի առաջ, և պահանջել է փորձագիտական թարգմանություն ու ժամանակակից թուրքերենով թարգմանություն։ Չնայած այս բացատրություններին՝ գրողն ազատազրկվել է։
Նշենք, որ 2014 թվականից՝ Էրդողանի նախագահ նշանակվելու տարվանից, քաղաքացիների նկատմամբ նախագահին վիրավորելու համար 160․169 հետաքննություն է սկսվել, 35․507 գործ է հարուցվել, 12․881 մարդ դատապարտվել է։
Էմմա Չոբանյան
