29.06.2026 | 18:05
Գերմանիայի հյուսիսում կրակոցների հետևանքով առնվազն 5 մարդ է զոհվել
Էրդողանը վստահեցնում է, թե Բայդենը խոստացել է օգնել համոզել Կոնգրեսին՝ հաստատել Թուրքիային F-16-երի վաճառքը
Քաղաքականություն
01.11.2021 | 20:14
Թուրքիայի նախագահ Ռեջեփ Թայիփ Էրդողանը հայտնել է, որ ԱՄՆ նախագահ Ջո Բայդենը խոստացել է օգնել համոզել ԱՄՆ Կոնգրեսի անդամներին՝ հավանություն տալ Անկարային նոր F-16 կործանիչների վաճառքին։ Այս մասին Թուրքիայի նախագահն ասել է Հռոմից վերադառնալիս լրագրողների հետ զրույցում, գրում է ՏԱՍՍ-ը։
«Բայդենն ասաց, որ մոտ ժամանակներում կարող է արդյունք չլինել, որոշումը պետք է անցնի երկու ատյանով՝ Ներկայացուցիչների պալատով և Սենատով։ Փաստացի ուժերի դասավորությունը 50-50 է, ասաց նա, սակայն հաղորդեց, որ ամեն ինչ կանի իր ուժերի սահմաններում, որ համոզի՝ ընդունել գործարքը»,- հայտնել է նա։
Էրդողանի խոսքքվ՝ ինքն էլ Բայդնենին ասել է, որ հավատում է այդ հարցում հաջողությանը, քանի որ ներկայում Կոնգրեսում իշխանության գերակայությունն իր կողմն է։
«Հուսով եմ՝ մեր պաշտպանության նախարարները շարունակելու են շփումները։ Օրակարգում երկու կարևոր հարց կա՝ նոր ինքնաթիռների գնումը և եղածների արդիականացումը»,- ասել է Էրդողանը՝ հավելելով․ «Մենք Բայդենի հետ քննարկել ենք մեր քայլերը՝ ՆԱՏՕ-ի գործընկերության և ռազմավարական դաշնակցության համատեքստում։ Առաջին հերթին քննարկել ենք F-35-ի հարցը։ Ես անձամբ նրա կողմից բացասական տրամադրվածություն չեմ տեսել այդ հարցում։ Հակառակը, մենք հուսով ենք՝ պաշտպանության նախարարները, ԱԳ նախարարները բանակցություններ կանցկացնեն և այդ դժվարին հարցը մեր հարաբերություններում կփակենք»։
Հավելենք, որ ԱՄՆ-ի և Թուրքիայի նախագահների հանդիպումը տեղի է ունեցել նախօրեին Հռոմում՝ Մեծ քսանյակի գագաթնաժողովի շրջանակում։
Էմմա Չոբանյան
