12.02.2026 | 16:03
Դաշնակցության դեմ ծանր հրետանի հանելու կարիք չկա, մի ռագատկեն հերիք ա․ Վահագն Ալեքսանյան․ ՏԵՍԱՆՅՈՒԹ
Չինաստանում շուրջ 6 միլիոն մարդ հայտնվել է մեկուսացման ռեժիմում
Քաղաքականություն
29.10.2021 | 19:45
ՉԺՀ-ում շուրջ 6 միլիոն մարդ, այդ թվում 4 մլն մարդ՝ Լանչժոու քաղաքում, COVID-19-ի նոր բռնկման հետ կապված հայտնվել են մեկուսացման ռեժիմում։ Այս մասին գրում է «Ինտերֆաքսը»։
Լրատվամիջոցների տվյալների համաձայն՝ անցած օրերի ընթացքում երկրում հայտնաբերվել է հիվանդության 48 դեպք, իսկ մեկ շաբաթ առաջ՝ շուրջ 250 դեպք։
Երկրի իշխանությունները քայլեր են ձեռնարկում հիվանդության տարածումը զսպելու համար։ Այսպես, Պեկինի տասնյակ հազարավոր բնակիչներ կարանտինի ռեժիմում են։ Երկրի բնակիչներին կոչ են արել չեղարկել հարսանեկան արարողությունները, թաղումներն արագ իրականացնել, չկազմակերպել բանկետներ ու զանգվածային այլ միջոցառումներ։
Չեղարկվել է նաև Պեկինի երկու հիմնական օդանավակայաններում չվերթների կեսից ավելին։
Տաթև Ֆռանգյան
